Сәулелік терапия және диагностика орталығы (Өскемен қ.)

Өскемен қаласының Көпсалалы онкология және хирургия орталығында онкологиялық науқастарды емдеуге арналған радиотерапиялық кешенді құру жобасы іске асырылды.

Радиотерапиялық кешен құрамына сызықтық үдеткіш (СҮ) және сәулелік емдеуді жоспарлауға арналған симуляциялық компьютерлік томограф (КТ) кіреді.

Жобаны толық цикл бойынша іске асыру аясында радиациялық қауіпсіздік талаптары мен медициналық логистиканы ескере отырып, жеке жоспарлау шешімі негізінде қажетті құрылыс жобалау құжаттамасы әзірленді. СҮ пен КТ-қа арналған каньон, сондай-ақ қосалқы кабинеттер мен жұмыс аймақтары салынды.

Бұған дейін стационардың хирургия бөлімшесіне, операциялық блокқа және жансақтау бөліміне (4–5-қабаттар), сондай-ақ заманауи жабдықтар орнатылған орталық стерилизация бөлімшесіне (ОСБ) реконструкция жүргізілді.

Орталыққа Elekta Versa HD сызықтық үдеткіші жеткізіліп, пайдалануға берілді. Бұл – компания өңірлік онкологиялық орталықта орнатқан екінші сызықтық үдеткіш. Жүйе 4D-визуализация және ісіктердің қозғалысын бақылау технологиялары негізінде стереотаксиялық радиохирургияны (SRS) және стереотаксиялық қашықтықтан сәулелік терапияны (SBRT) жүргізуге мүмкіндік береді.

Жоба шеңберінде медициналық персоналға арналған commissioning кезеңі бойынша оқыту, ісік контурларын белгілеу (контурлау), сәулелік емдеуді жоспарлау және жұмыс орнында практикалық оқыту ұйымдастырылды.