Қазақстан Республикасы Президенті Іс басқармасының МО-ң «Алматы» шипажайы (Алматы қ.)

Шипажай профилактика, диагностика және оңалту емін жүргізуге арналған заманауи медициналық жабдықтармен қамтамасыз етілген.

Шипажайда толыққанды диагностикалық бөлімше жұмыс істейді. Оның құрамына рентген аппараты, ультрадыбыстық зерттеу аппараттары, ИФА, иммунологиялық және ПТР диагностика жүргізуге арналған клиникалық-диагностикалық зертхана, эндоскопиялық, ЛОР-диагностикалық, гинекологиялық және урологиялық кабинеттер, сондай-ақ стоматологиялық рентген аппараты мен тіс-техникалық зертханасы бар стоматологиялық кабинет кіреді.

Оңалту емін жүргізу үшін шипажай балшықпен емдеу процедураларын өткізуге арналған балшықты автоматтандырылған дайындау кешенімен жабдықталған.

Бальнеологиялық жабдықтар термалды минералды су негізінде емдік процедуралардың кең спектрін жүргізуге мүмкіндік береді.

Физиотерапиялық бөлімше электротерапия, ультрадыбыстық, лазерлік, магниттік, жылу және микротолқынды терапия жүргізуге арналған заманауи көпфункционалды аппараттармен жабдықталған.

Қазақстанда алғаш рет профилактикалық-сауықтыру мекемесі заманауи криотерапиялық камерамен жабдықталды. Бұл әдіс адам ағзасына −60 °C-тан −120 °C-қа дейінгі температурадағы құрғақ салқындатылған ауаның ламинарлық ағынымен әсер етуге негізделген. Процедура ағзаның суыққа бейімделу механизмдерін белсендіруге мүмкіндік береді және бірқатар ауруларды оңалтуда қолданылады.

Ұйқы бұзылыстарын диагностикалау және емдеу кешені созылмалы гипоксиялық жағдайларды және ұйқысыздықты диагностикалауға, сондай-ақ тиісті ем жүргізуге мүмкіндік береді.