500 төсек-орынды туберкулезге қарсы диспансер (Астана қ.)

Астана қаласында 500 төсек-орынға арналған туберкулезге қарсы диспансердің құрылысы аяқталды.

Диспансер құрылымына келесі бөлімшелер кіреді: дифференциалдық диагностика бөлімшесі, сәулелік диагностика бөлімшесі (КТ, рентгенография және стоматологиялық рентген), мәжбүрлеп емдеу бөлімшесі, эндоскопия бөлімшесі, туберкулездің дәріге төзімді түрлерін емдеу бөлімшесі, бактерия бөлмейтін науқастарға арналған бөлімше, қайталама жағдайларды емдеу бөлімшесі, өкпе хирургиясы бөлімшесі және созылмалы науқастар бөлімшесі.

Нысанның құрамына 3 операциялық залдан тұратын операциялық блок, операциядан кейінгі палата, қарқынды терапия бөлімшесі және оқшаулау бокстары кіреді. Аумақта автокөліктерді дезинфекциялауға арналған алаңдар, жеке кіреберіс, бөлек баспалдақ торлары бар шығару бөлмесі, жергілікті тазарту құрылыстары, шынтақпен басқарылатын қолжуғыштар мен аяқ педалі арқылы басқарылатын су ағызу жүйелері қарастырылған. Әрбір палата мен жартылай бокс жергілікті сорып шығару желдету жүйесімен жабдықталған.