Гибридті операциялық бөлме. Кардиология және ішкі аурулар ғылыми-зерттеу институты (Алматы қ.)

Гибридті операциялық бөлме – емхананың бейініне сәйкес таңдалған көпфункционалды хирургиялық үстелмен және қосымша жабдықтармен біріктірілген, экстра-класс деңгейіндегі мобильді гибридті бейнелеу жүйелерімен жабдықталған жоғары технологиялық операциялық кеңістік. 

Гибридті операциялық бөлменің мүмкіндіктері хирургиялық көмекті жаңа сапалы деңгейге көтеруге мүмкіндік береді. 

Гибридті операциялық бөлме мыналарды қамтамасыз етеді:

• науқас қауіпсіздігінің жоғары стандарттарын;
• дәрігерлер мен медицина қызметкерлерінің жұмыс сапасы мен тиімділігін арттыруды;
• емдеу үдерісіне икемді тәсілді және медициналық тактиканы таңдаудың кеңейтілген мүмкіндіктерін;
• бір рәсім аясында жаңа жоғары технологиялық әрі бірегей операцияларды, сондай-ақ екі кезеңді және көп кезеңді хирургиялық араласуларды жүргізуді;
• кеңейтілген визуализация мүмкіндіктері мен қосымша ақпарат көздерінің арқасында операцияны дәл жоспарлап, хирургиялық араласу уақытын қысқартуды;
• қажет болған жағдайда аз инвазивті процедурадан ашық хирургиялық операцияға жедел көшуді;
• қатар жүретін патологиялары бар жоғары қауіп тобындағы науқастарда асқынулар қаупін төмендетуді;
• анестезия уақытын, қосымша операциялар санын, операциядан кейінгі емдеу мен оңалтуды қысқарту арқылы шығындарды оңтайландыруды.
   

Allia IGS 7 – гибридті операциялық бөлмелерге арнайы әзірленген және жүрек, ми қан тамырлары мен басқа да ағзаларға күрделі диагностикалық әрі интервенциялық процедураларды жүргізуге арналған жаңа буындағы жоғары технологиялық ангиографиялық жүйе.

Allia IGS 7 жүйесінің негізгі ерекшеліктері мен артықшылықтары:

• Қолданудың әмбебаптығы – кардиологиялық және эндоваскулярлық араласулардың кең ауқымын қолдайды;
• Кескіннің жоғары сапасы – инновациялық визуализация технологиялары сәулелік жүктемені барынша төмендете отырып, айқын әрі егжей-тегжейлі бейнелерді қамтамасыз етеді;
• Эргономика және икемділік – роботтандырылған C-тәрізді доғасы бар мобильді жүйе пациентке жылдам қол жеткізуге және дәрігерлердің ыңғайлы жұмыс істеуіне мүмкіндік береді;
• Сәулелену дозасын төмендету – интеллектуалды алгоритмдер пациентке де, медицина қызметкерлеріне де түсетін сәулелік жүктемені азайтады;
• Цифрлық жүйелермен интеграция – 3D-навигацияны, сондай-ақ хирургиялық араласуларды жоспарлау мен бақылаудың кеңейтілген мүмкіндіктерін қолдайды.

Allia IGS 7 ангиографиялық жүйесін енгізу Институт дәрігерлерінің мүмкіндіктерін едәуір кеңейтіп, күрделі операцияларды жоғары дәлдікпен, қауіпсіздік деңгейін арттыра отырып және науқастар үшін барынша қолайлы жағдайда орындауға мүмкіндік береді.

«МИТ» компаниясы гибридті операциялық бөлмелерді іске асыру жобалары бойынша дәлелденген тәжірибеге ие. Заманауи шешімдер Қазақстан Республикасы Президенті Іс Басқармасы Медициналық орталығының ауруханасында (Астана қ.) және Семей қаласының Жедел медициналық жәрдем ауруханасында табысты енгізілген.