2025 жылдың қорытындысы: «Медико-Инновационные Технологии» ЖШС

2025 жыл «Медико-Инновационные Технологии» ЖШС үшін стратегиялық маңызы бар басқарушылық шешімдер қабылданған, ауқымды жобалар іске асырылған және елеулі кәсіби жетістіктерге қол жеткізілген кезең болды. Қол жеткізілген нәтижелер — компанияның тұрақты дамуы мен денсаулық сақтау жүйесін жаңғыртуға үлес қосу жолында жауапкершілікті өз мойнына алған кәсіби команданың үйлесімді еңбегінің жемісі.

Жыл ішінде компания медициналық ұйымдарды кешенді жабдықтау бойынша бірқатар жобаларды сәтті аяқтады:

• Алматы қаласындағы Ұлттық ғылыми жұқпалы аурулар орталығы;
• Риддер қаласындағы 200 төсектік стационарлық бөлімшесі және 500 келушіге арналған емханасы бар көп салалы аурухана кешені;
• Алматы облысы Жамбыл ауданы Ұзынағаш ауылындағы ауысымына 250 қабылдауға арналған емхана.

Аталған жобалардың іске асырылуы Қазақстан Республикасының медициналық инфрақұрылымын дамытуға елеулі үлес қосты.

Компания үшін ерекше мақтаныш — аймақта баламасы жоқ нейрохирургияға арналған бірегей инновациялық шешімдерді жеткізу болды:

• Leica ARveo 8 операциялық микроскопы — ТМД елдерінде алғаш рет орнатылды;

• LOOP-X интраоперациялық компьютерлік томографы — Орталық Азияда алғаш рет енгізілуде;
• Cirq роботтандырылған спинальды нейрохирургиялық жүйесі — ТМД елдерінде алғаш рет жүзеге асырылып, посткеңестік кеңістікте алғашқы роботтандырылған нейрохирургиялық операциялық бөлмені құруға негіз қалады.

2025 жылдың сөзсіз стратегиялық жетістігі — мемлекеттік онкологиялық бағдарлама аясындағы ірі тендерде жеңіске жету болды. Нәтижесінде Қазақстанның түрлі өңірлеріндегі онкологиялық клиникаларға ең заманауи 8 компьютерлік томограф жеткізілді.

Жыл қорытындысы бойынша компания 100-ден астам мемлекеттік және жекеменшік медициналық ұйымға 27 197 бірлік медициналық жабдық жеткізді.

Компания портфелі әлемнің 70-тен астам жетекші өндірушілерінен тұрады.
2025 жылы 24 медициналық бұйым тіркеліп, 511 бірлік жабдық тексеруден және метрологиялық растаудан өтті.

4 500-ден астам жабдық бірлігі Өзбекстан Республикасына жеткізілді. Халықаралық ынтымақтастықты дамытудағы маңызды кезең — Өзбекстан Республикасының перинаталдық қызметін жабдықтау мақсатында БҰҰ-ның Халықтың қоныстануы саласындағы қоры (UNFPA)-мен ұзақ мерзімді келісімшарт жасасу болды.

2025 жыл «Медико-Инновационные Технологии» ЖШС-нің ұлттық және халықаралық деңгейде күрделі, инновациялық әрі әлеуметтік маңызы бар жобаларды жүзеге асыра алатын сенімді серіктес ретіндегі мәртебесін толық растады.

Біз жаңа ынтымақтастық мүмкіндіктеріне ашықпыз және 2026 жылы Сізді серіктестеріміздің қатарында көруге қуаныштымыз!